Chandrapur Burglary चंद्रपूर शहरालगत असलेल्या दुर्गापूर येथे आंबेडकर चौक वार्ड क्रमांक 2 मधील केबल चालक दिलीप ढोक यांच्या घरी धाडसी घरफोडी अज्ञातांनी केल्याची बाब 6 सप्टेंबर रोजी उघडकीस आली.
केबल चालक यांचा मुलगा जागृत ची प्रकृती 2 सप्टेंबर रोजी बिघडल्याने त्याला तात्काळ डॉ.खान यांच्या रुग्णालयात दाखल करण्यात आले होते, मुलावर उपचार सुरू असताना वडील व आई हे दवाखान्यात मुलाजवळ थांबत होते.
Chandrapur burglary 5 सप्टेंबर च्या रात्री केबल चालक दिलीप ढोक यांनी आपली कामे आटोपून रात्री दवाखान्यात गेले, दुसऱ्या दिवशी 6 सप्टेंबर रोजी ढोक घरी आले असता त्यांच्या घरातील सामान अस्तव्यस्त परिस्थितीत आढळले.
घराच्या मुख्य प्रवेशदाराचे कुलूप तोडून अज्ञाताने आत प्रवेश करीत कपाटातील सोन्या-चांदीचे दागिने व रोख रक्कम असा एकूण 2 लाख 67 हजार 685 रुपयांचा माल चोरून नेला.
याबाबत ढोक यांनी दुर्गापूर पोलीस स्टेशन गाठत तक्रार दिली, तक्रार मिळताच दुर्गापूर पोलिसांनी घटनेचा पंचनामा करीत पुढील तपास सुरू केला आहे.